काठमाडौं । नेपाल एशोसिएसन अफ टुर एण्ड ट्राभल एजेन्ट (नाट्टा) को अध्यक्षमा कांग्रेस निकट प्यानलका अच्युत गुरागाई निर्वाचित हुनुभएको छ। शुक्रबार सम्पन्न निर्वाचतको नतिजा अनुसार वरिष्ठ उपाध्यक्षमा नेकपा निकट प्यानलका विनय बस्नेत, उपाध्यक्षमा बरुण मेहेता, महासचिव सुधिरकुमार उपाध्याय निर्वाचित भएका छन् ।
यसैगरी कोषाध्यक्षमा कांग्रेस निकट कुमारमणी थपलिया निर्वाचित हुनुभयो । सदस्यहरुको मत परिणाम आउन बाँकी छ । नाट्टा अधिवेशनले दुई वर्षे कार्यकालका लागि नयाँ नेतृत्व चयन गरेको हो । नाट्टा निर्वार्चनमा १५ सदस्य निर्वाचित र दुई सदस्य पछि मनोनित गरिने प्रावधान छ ।
नाट्टा निर्वाचनमा तीन समूहबीच चुनावी प्रतिस्पर्धा भएको थियो ।
